आज एनपीएलमा विराटनगर र चितवन खेल्दै

काठमाडौं– नेपाल प्रिमियर लिग (एनपीएल) मा आज एक खेल हुँदैछ।

आजको खेल विराटनगर किंग्स र चितवन राइनोजबीच कीर्तिपुरस्थित त्रिवि क्रिकेट मैदानमा दिउँसो ४ बजेदेखि सुरु हुनेछ।

जारी प्रतियोगितामा विराटनगरले लगातार तीन खेल जितेको छ। त्यस्तै, चितवन राइनोजले भने दुई खेलमा एक जित र एक हार बेहोरेको छ।

सन्दीप लामिछानेको कप्तानीमा रहेको विराटनगरमा लोकेश बम, प्रतिश जिसी जस्ता राष्ट्रिय खेलाडी छन्। त्यस्तै, कुशल मल्लको कप्तानीमा रहेको चितवनमा रिजन ढकाल, कलमसिंह ऐरी, देव खनाल जस्ता राष्ट्रिय खेलाडी रहेका छन्।

आज विराटनगर आफ्नो अपराजित लयलाई कायम राख्ने योजनाका साथ मैदानमा उत्रिंदैछ भने राइनोज दोस्रो जित निकाल्ने रणनीतिका साथ मैदानमा आउनेछ।