अखिल नेपाल फुटबल संघको गेट अगाडि पुन: धर्ना

अखिल नेपाल फुटबल संघ (एन्फा)को गेट अगाडि पुन: धर्ना भएको छ।

बिहीबार सातोबाटोस्थित एन्फा कम्प्लेक्समा ए डिभिजन क्लबहरू धर्ना बसेका हुन्। क्लबहरूले लिगका सबै प्रतियोगिताहरू समयमै गर्ने र अन्तर्राष्ट्रिय मापदण्ड अनुसार लिग प्रतियोगिता संचालन बारेको माग राख्दै उनीहरू धर्ना बसेका हुन्।

यसअघि ए डिभिजन लिग समयमा नभएको कारणले गर्दा अखिल नेपाल खेलाडी संघ र खेलाडीहरू एन्फामा धर्ना बसेका थिए।

त्यसपछि सिंहदरबारस्थित खेलकुद मन्त्रालयमा बसेको बैठकमा ए डिभिनजन लिग चैत्रमा आयोजना गर्न तय भएको थियो। अहिले एन्फाका पदअधिाकरी र ए डिभिजन लिगका क्लबहरूबीच बैठक सकिएको छ। अब बैठक आइतबार बस्ने छ।