नेत्रहीन महिला टी–२० विश्वकप क्रिकेटमा नेपालले पाकिस्तानलाई १० विकेटले हरायो
३ मंसिर २०८२ १४:२९
भारत र श्रीलंकामा संयुक्त रूपमा आयोजित नेत्रहीन महिला टी–२० विश्वकप क्रिकेट प्रतियोगिताको मंगलबार सम्पन्न खेलमा नेपालले पाकिस्तानलाई १० विकेटको फराकिलो अन्तरले हराएको छ ।
एक सय ७१ रनको लक्ष्य पछ्याउँदै जवाफी ब्याटिङमा ओर्लिएको नेपालले १३ ओभरमै कुनै पनि विकेट नगुमाइ एक सय ७३ रन बनायो ।
नेपाली टोलीको जितमा ओपनर विनिता पुनले केवल ५४ बलमा अविजित एक सय सात रनको योगदान गरिन् ।
अर्की ओपनर मनकेशरी चौधरीले पनि ३१ बलमा अविजित ४३ रनको योगदान गरिन् ।
नेपाली टोलीले अतिरिक्त रूपमा पनि २३ रन पाएको थियो ।
नेपाल यसअघि नै सेमिफाइनलमा पुगिसकेको छ ।
ट्रेन्डिङ
सम्बन्धित
