सुरक्षित र सतर्क रहन प्रधानमन्त्री कार्कीको आग्रह

काठमाडौं।प्रधानमन्त्री सुशीला कार्कीले बाढी, पहिरो र डुबानको जोखिम बढ्दै गएको भन्दै सुरक्षित र सतर्क रहन नागरिकलाई आग्रह गर्नुभएको छ।

विपतको अवस्थामा सरकार साथ रहेको भन्दै नागरिकलाई सुरक्षित र सावधानी हुन उनले आग्रह गर्नुभएको हो।

बाढीपहिरो बढ्दै गएपछि देशवासीको नाममा सम्बोधन गर्दै उनले नागरिकको सुरक्षा नै सरकारको सर्वोपरी चिन्ता रहेको बताए।अप्ठेरोमा परेको अवस्थामा तत्काल उद्धार गर्न सरकार तयारी अवस्थामा रहेको पनि उनले जानकारी दिए।

कुनै पनि कार्य गर्दा जोखिमको पूर्व आंकलन गरी सुरक्षालाई उच्च प्राथमिकता दिएर गर्नुहोस्।तपाईंहरूको सुरक्षा नै हाम्रो सर्वोपरी चिन्ता हो,आवश्यक सहयोग लिन अप्ठेरो नमान्नुस्,प्रधानमन्त्रीले भिडियो सन्देशमा भन्नुभएको छ,हामी तपाईंहरूको चिन्ता र कठिनाईलाई बुझ्छौं।

म प्रस्ट पार्न चाहन्छु, तपाईं यसमा एक्लो हुनुहुन्न।राज्यका सम्पूर्ण स्रोत तपाईंहरूसँगै छन।

सबै सरकारी निकायहरू उद्धार र राहतका लागि प्रतिकूल परिस्थितिका बाबजुत उच्च मनोबलका साथ पूर्ण तयारीका अवस्थामा रहेको पनि उनले बताए।महत्त्वपूर्ण राजमार्ग र अन्य पूर्वाधारको सक्रिय रुपमा निगरानी गरिरहेको पनि उनले जानकारी दिए।