रौतहटमा चट्याङ लागेर दुई जनाको मृत्यु
१८ असोज २०८२ २१:०४
रौतहट १८ असोज । रौतहटमा चट्याङ लागेर शनिवार साँझ दुई जनाको मृत्यु भएको छ ।
जिल्ला प्रहरी कार्यालय रौतहटका अनुसार मृत्यु हुनेमा कटहरिया नगरपालिका –२ हथियाहीका मरुलाल लहेरीका १७ बर्षीय छोरा सेराज लहेरी र रामधेनु यादवका १६ बर्षीय छोरा नवीन यादव रहेका छन् ।
शनिवार साँझ करीव साढे ६ बजेको समयमा चट्याङ लागेर उनीहरुको मृत्यु भएको प्रहरीले जनाएको छ । लहेरीको घट्नास्थलमै र यादवको उपचारका लागि अस्पताल लैजानेक्रममा बाटोमा मृत्यु भएको हो ।
दुबै जनाको शव पोष्टमार्टमका लागि प्राथमिक स्वास्थ्य केन्द्र चन्द्रनिगाहपुरमा राखिएको छ ।
ट्रेन्डिङ
ताजा समाचार
सम्बन्धित
