आफ्नै कोठामा जलेको अवस्थामा भेटिएकी टिकटकर आँचल नाथको मृत्यु
११ असोज २०८२ १६:३५
काठमाडौँ । टिकटकर तथा कलाकार आँचल नाथको मृत्यु भएको छ । बिहीबार राति आफ्नै डेराको कोठामा जलेको अवस्थामा भेटिएकी नाथलाई गम्भीर अवस्थामा उद्धार गरी उपचारका लागि सिनामंगलस्थित काठमाडौँ मेडिकल कलेज लगिएको थियो । शनिबार बिहान करिब ९:३५ बजे चिकित्सकले उनलाई मृत घोषित गरेका हुन् ।
कञ्चनपुरको कृष्णपुर नगरपालिका-२ बाणीकी २२ वर्षीया नाथ पछिल्लो समय काठमाडौँमा डेरा बस्दै आएकी थिइन् । उनको शवलाई पोस्टमार्टमका लागि त्रिवि शिक्षण अस्पताल, महाराजगञ्ज लगिएको प्रहरीले जनाएको छ ।
मृतकका आफन्तले पेट्रोल छर्की जलाइएको दाबी गर्दै जिल्ला प्रहरी परिसर काठमाडौँमा उजुरी दर्ता गराएका छन् । घटनाबारे थप अनुसन्धान भइरहेको परिसर प्रमुख एसएसपी रमेश थापाले टेकपानालाई जानकारी दिए ।
ट्रेन्डिङ
सम्बन्धित
