अर्थ मन्त्रालयमा आजदेखि सबै टिप्पणी डिजिटल हुने

काठ्माण्डौ- अर्थ मन्त्रालयले डिजिटल टिप्पणी सुरू गरेको छ।

अर्थमन्त्री रामेश्वर खनालले आजदेखि डिजिटल टिप्पणी सुरू भएको जानकारी गराएका हुन्।

डिजिटल टिप्पणी सुरू हुनुको अर्थ मन्त्रालयले गर्ने कामलाई कागजबिहीन गराउन लागेको हो।

यसले मुख्यतः तीन वटा प्रभाव पर्नेछन्।

पहिलो, पटक-पटक कागज प्रिन्ट गर्ने काम गर्नुपरेन।

दोस्रो, टिप्पणी उठाएर सम्बन्धित अधिकारीको कोठा-कोठा चाहार्नुपर्ने छैन। डिजिटल सिस्टमबाट नै काम हुनेछ।

तेस्रो, प्रक्रिया घटाउनेछ। कुनै पनि निर्णय वा काम गर्ने टिप्पणी कुन समयमा उठेको हो, सदर कहिले भएको हो, सबै प्रणालीमा बस्नेछ।

पहिलेदेखि नै अर्थ मन्त्रालयमा डिजिटल टिप्पणी तथा डिजिटल हस्ताक्षर प्रयोग गरेर काम गर्ने भनिए पनि कार्यान्वयन हुन ढिलाइ भएको थियो।

अर्थमन्त्री रामेश्वर खनालले तत्काल यो प्रणाली लागू गर्न भनेपछि शुक्रबारबाट सुरू गरिएको हो।