कैलाली कारागारलाई तत्काल तीन थान कम्प्युटर, प्रिन्टर र दराज आवश्यक

कैलाली । कैलाली कारागारलाई तत्काल तीन थान कम्प्युटर, प्रिन्टर र तीन थान दराज आवश्यक परेको छ । भदौ २४ गते जेनजी आन्दोलनका क्रममा कारागारमा तोडफोड र आगजनी भएपछि सरसामान जलेर नष्ट भएका थिए ।

अहिले दैनिक कामकारबाहीका लागि आवश्यक सामाग्री नै नभएपछि सेवा प्रवाहमा समस्या आएको कारागार प्रशासनले जनाएको छ । यस सँगै विभिन्न फाटका लागि १२ वटा कुर्सी, एक थान टेबल र एक सोफा पनि तत्काल आवश्यक रहेको कारागारका जेलर चिरञ्जीवी सापकोटाले बताए ।

‘आन्दोलनका क्रममा आगजनी भयो, तोडफोड भयो । सामान लुटपाट भए । हामी सँग अहिले अत्यावश्यक सामाग्री पनि छैनन्,’ उनले भने, ‘चैतन्य स्कुलले केही सामाग्री सहयोग गरेको छ । अरूले पनि  आवश्यक सामाग्री सहयोग गरिदिए सहज हुन्थ्यो ।’