हमासले सार्वजनिक गर्यो विपिन जोशी सहित ४८ जना बन्धकको विदाई तस्बिर
काठमाडौँ, ४ असोज ।
हमासले आफ्नो नियन्त्रणमा रहेका ४८ जना बन्धकको बिदाई तस्बिर सार्वजनिक गरेको छ ।
प्यालेस्टिनी विद्रोही लडाकु हमासले शनिवार सार्वजनिक गरेको ४८ जना बन्धकको बिदाई तस्वीरमा कञ्चनपुरका बिपिन जोशीको तस्बिर पनि छ ।
इजरायलले गाजा क्षेत्रमा सैन्य आक्रमण तीव्र बनाइरहेको अगाडि बढिरहेको बेला बन्धकहरुको जीवन जोखिममा रहेको भन्दै हमासले बिदाइ तस्बिर सार्वजनिक गरेको हो ।
दोहा मुख्यालय रहेको अलजजिरा अनलाइनका अनुसार हमासको कसाम ब्रिगेड्सले सार्वजनिक गरे पनि उनीहरुको अवस्था र विस्तृत विवरण खुलाइएको छैन । प्रत्येकलाई १९८६ मा लेबनानमा हराएका इजरायली वायुसेनाका कप्तान रोन अराडको नाम राखिएको छ ।
कञ्चपुरका विपिनसहित ४८ जना ७ अक्टोबर २०२३ देखि हमासको नियन्त्रणमा छन् ।
एक महिना अघि विपिन जोशीकी आमा र बहिनीले ईजरायलको भ्रमण गरेकी थिईन् । उनीहरुले विपिनको रिहाईका लागि पहल गरिदिन ईजरायली सरकारसंगै हमाससंग आग्रह गरेका थिए । हमासको अपहरणमा परेयता विपिनको अवस्था अज्ञात छ ।
ट्रेन्डिङ
सम्बन्धित
