प्रधानमन्त्री कार्कीलाई बधाई दिँदै चीन: नेपालीले रोजेको विकासको मार्गलाई सम्मान गर्छौं

काठमाडौं : चीनले नेपालको अन्तरिम प्रधानमन्त्रीमा नियुक्ति भएकोमा सुशीला कार्कीलाई बधाई दिएको छ। चीनको परराष्ट्र मन्त्रालयका प्रवक्ता लिन चेनले नेपालका पूर्वप्रधानन्यायाधीश सुशीला कार्कीले अन्तरिम प्रधानमन्त्रीको रूपमा शपथ लिएको बधाई दिएका हुन्।

पत्रकारहरूले सोधेको प्रश्नमा प्रवक्ताले टिप्पणी गर्दै भने, हामी नेपालसँग मिलेर पाँच सिद्धान्तको शान्तिपूर्ण सहअस्तित्वलाई प्रवर्द्धन गर्ने, विभिन्न क्षेत्रमा आदानप्रदान र सहकार्य बढाउने र द्विपक्षीय सम्बन्धलाई अझ प्रगाढ बनाउने तत्परता व्यक्त गर्दछौँ।

प्रवक्ताले चीन–नेपालको मित्रता पुरानो र दृढ रहेको बताए। चीनले सधैँ नेपाली जनताले स्वतन्त्र रूपमा रोजेको विकासको मार्गलाई सम्मान गर्ने उनले बताए।