अमेरिका सहित सात दूतावासद्धारा सोमवारको घट्नामा दुःख व्यक्त
काठमाण्डौं, २४ भदौ ।
१९ जनाको ज्यान गएको जेन–जी प्रदर्शनको घटनालाई लिएर अमेरिकासहित सात देशका दूतावासले दुःख व्यक्त गरेका छन् ।
सात वटा देशका दूतावासका तर्फबाट सोमवार साँझ जारी गरिएको संयुक्त विज्ञप्तिमा शान्तिपूर्ण तरिकाले समाधान खोज्न आग्रह गरिएको छ ।
हामी शान्तिपूर्ण सभा र अभिव्यक्ति स्वतन्त्रताको सार्वभौमिक अधिकारप्रति आफ्नो दृढ समर्थन पुनः व्यक्त गर्छौं,अस्ट्रेलिया, फिनल्यान्ड, फ्रान्स, जापान, कोरिया, बेलायत र अमेरिकी दूतावासका तर्फबाट जारी गरिएको बिज्ञप्तिमा भनिएको छ, हामी सबै पक्षलाई अधिकतम संयम अपनाउन, परिस्थिति थप बिग्रिन नदिई शान्तिपूर्ण तरिकाले समाधान खोज्न तथा यी मौलिक अधिकारको पूर्ण संरक्षण सुनिश्चित गर्न आग्रह गर्छौं ।
हामी काठमाडौं तथा नेपालका अन्य स्थानमा आज देखिएका हिंसात्मक घटनाप्रति गहिरो दुःख व्यक्त गर्छौं,बिज्ञप्तिमा भनिएको छ, यी घटनाका कारण ज्यान गुमाउने दुःखद अवस्था उत्पन्न भएको र कयौं घाइते भएकामा हामी संवेदनशील भएका छौं ।
दूतावासहरूले पीडित परिवारजन र प्रभावित व्यक्तिहरूप्रति हार्दिक समवेदना प्रकट गर्दै घाइते सबैलाई शीघ्र स्वास्थ्य लाभको कामना गरेका छन्।
ट्रेन्डिङ
सम्बन्धित
