ग्लोबल कलेजमा १२ कक्षा अध्ययनरत श्रीयमको जेन-जी आन्दोलनमा मृत्यु

काठमाडौं, २३ भदौ ।
जेन जी आन्दोलनमा प्रहरीको गोली लागेर ग्लोबल कलेजमा कक्षा १२ मा अध्ययनरत विद्यार्थी श्रीयम चौंलागाईंको निधन भएको छ ।

प्रहरीको गोली लागेर घाईते भएका उनको ट्रमा सेन्टरमा उपचारका क्रममा निधन भएको जानकारी प्राप्त भएको कलेजका प्रिन्सीपल अम्बादत्त जोशीले बताए ।

ग्लोबल कलेजमा ११ बजेसम्म बिहानीको कक्षा पढिसकेर पेप्सीकोलास्थित घर फर्किने क्रममा श्रीयम आन्दोलनमा मिसिएको बताईएको छ ।

साथीसंगै कलेजबाट बस चढेर आएका उनी वानेश्वरमा ओर्लिएर आन्दोलनमा सहभागी भएका थिए । प्रहरीको गोली लागेर घाईते भएका उनको विद्यालयको पोशाकमा उनको मृत्यु भएको हो ।