गायक दुर्गेश थापा डेनीम नेशनको ब्राण्ड एम्बेस्डर नियुक्त

काठ्माण्डौँ । शनिबार आयोजित एक विशेष कार्यक्रममा विगत ८ वर्ष देखि नेपाली बजारमा स्थापित उत्कृष्ट नेपाली ब्राण्ड डेनीम नेशनले चर्चित नेपाली गायक दुर्गेश थापालाई ब्राण्ड एम्बेस्डरको रूपमा नियुक्त गरेको छ ।

गायक थापाले विभिन्न स्वदेशी तथा विदेशी ब्राण्डहरूका सामु डेनीम नेशनले आफ्नो छुट्टै पहिचान बनाउन सफल भएको र पहिलेदेखि नै यसको नियमित उपभोक्ता भएको ब्राण्डमा आफू नै आबद्ध हुन पाउँदा खुसी लागेको बताए । अब ‘नेपाली बजारमा ३डी – दुस्मन, दुर्गेश र डेनीम नेशन आयो है’ भने ।

उक्त कार्यक्रममा डेनीम नेशनका अध्यक्ष सुशील वेलबासेले डेनीम नेशनको हाल सम्मको यात्रा तथा नेपाली बजारमा खट्किएको गुणस्तरको अभावलाई चिर्न आफूले कुनै कसर नराखेको हुनाले आज बजारमा एक स्थापित नाम भैसकेको  र चर्चित गायक दुर्गेश थापालाई ब्राण्ड एम्बेस्डरको रूपमा पाउँदा गौरव महसुस गरेको बताए । आगामी दिनहरूमा गायक थापा र डेनीम नेशनको सहकार्यले अझ उत्कृष्ट उत्पादनहरू बजारमा ल्याउने वाचा पनि गरे ।

काठमाडौंको सोल्टी होटलमा आयोजित उक्त कार्यक्रमबाट गायक दुर्गेश थापा तथा उनको क्रियटिभ टिम र डेनीम नेशनको संयुक्त पहलमा डेनीम नेशनलाई नेपालको नं १ ब्रण्ड बनाउनुका साथै देश विदेशमा पनि यसको पहिचान बडाउने सहमति भएको छ ।

यो सहकार्यले नेपाली संगीत र उदाउँदो नेपाली ब्राण्ड दुवैलाई उकास्ने अपेक्षा गरिएको छ, जसले थापाको बढ्दो लोकप्रियता र नेपालमा उत्कृष्ट उत्पादनहरूको मागलाई फाइदा पुर्‍याउनेछ ।