इजरायली हवाई आक्रमणमा यमनका हुथी प्रधानमन्त्रीको मृत्यु

सना, यमन – ३० अगस्ट ।
इजरायलले यमनको राजधानी सनामा गरेको हवाई आक्रमणमा हुथी सरकारका प्रधानमन्त्री अहमद अल रहावी मारिएका छन्।

आक्रमणको समयमा सरकारको समीक्षा बैठक चलिरहेको थियो। आक्रमणमा अन्य मन्त्रीहरू पनि घाइते वा मारिएको बताइएको छ।

इजरायली सेनाले सेना शहरमा “हुथी आतंककारी शासनको सैन्य लक्ष्य” मा आक्रमण गरिएको जनाएको छ ।

ईजरायली सेनाको आक्रमण सटीक गुप्तचर सूचनामा आधारित थियो। यो आक्रमण हुथी नेतृत्व विरुद्धको सबैभन्दा ठुलो कारवाही मानिएको छ।

हुथी समूहले हालका महिनाहरूमा रेड सागर र इजरायलमाथि क्षेप्यास्त्र र ड्रोन आक्रमण गर्दै आएको थियो, जसको जवाफस्वरूप इजरायलले आक्रमण तीव्र बनाएको छ।

प्रधानमन्त्री रहावीको मृत्यु हुथीहरूको उच्च नेतृत्वमा सबैभन्दा ठूलो क्षति मानिएको छ। ईजरायली आक्रमणमा प्रधानमन्त्री रहावीको मृत्यु भएको हुथीले पुष्टि गरेको छ ।

उनको मृत्युपछि उपप्रधानमन्त्री मोहमद मोफ्ताह लाई कार्यवाहक प्रधानमन्त्री तोकिएको छ।