अदालती करुणाका लागि प्रसिद्ध न्यायाधीश फ्रान्कको निधन

अमेरिकी न्यायाधीश फ्रान्क क्याप्रियो, जो अदालतमा देखाएको करुणा र मानवताको लागि ‘संसारको सबैभन्दा राम्रो न्यायाधीश’ भनेर चिनिन्थे । उनै क्याप्रियोको ८८ वर्षको उमेरमा निधन भैको छ । उनको परिवारले सामाजिक सञ्जालमार्फत यो समाचार सार्वजनिक गरेको हो ।

रोड आइल्यान्डका सेवानिवृत्त न्यायाधीश क्याप्रियोले करिब चार दशकसम्म सेवा गर्दै साना कानूनी उल्लङ्घनमा समेत सहानुभूतिपूर्ण दृष्टिकोण देखाउनु भएको थियो । उनको कोर्टरुम रियालिटी कार्यक्रम ‘क्याच इन प्रोभिडेन्स’ ले ट्राफिक उल्लङ्घन र पार्किङ टिकट जस्ता मामिलामा संघर्ष गरिरहेका व्यक्तिहरूप्रति उहाँको दयालु व्यवहारलाई देखाएको थियो ।

उनका छोरा डेभिड क्याप्रियोले भनेका छन्, ‘प्यानक्रिएटिक क्यान्सरसँग साहसी सङ्घर्षपछि, पिता न्यायाधीश फ्रान्क क्याप्रियोको निधन भयो । हामी उहाँलाई सम्मानित न्यायाधीश मात्र नभई मायालु पति, बुबा र हजुरबुबारूपमा सम्झनेछौँ ।’