एनआरएनए अमेरिकाको बोर्ड अफ डाईरेक्टरमा ठकुल्ला निर्वाचित

न्यूयोर्क, १८ अगष्ट ।
गैरआवासीय नेपाली संघ  राष्ट्रिय समन्वय परिषद् (एनआरएनए) अमेरिकाको बोर्ड अफ डाईरेक्टरमा हेमबहादुर ठकुल्ला निर्वाचित भएका छन् । ठकुल्ला तीन हजार दुई सय ३१ मत ल्याएर बिजयी भएका हुन् ।

सतेन्द्र शाहको प्यानल अधिकांश पदमा बिजयी हुदा ठकुल्ला भानु खरेलको प्यानलबाट निर्वाचित भएका हुन् । ठकुल्ला खरेलको टीमबाट निर्वाचित हुने एक्ला बोर्ड अफ डाईरेक्टर हुन् ।

ठकुल्लाले आफूलाई मतदान गरेर बिजयी बनाउने सम्पूर्ण मतदाता प्रति आभार व्यक्त गरेका छन् । उनले निर्वाचनको परिणाम सार्वजनिक भएपछि सम्पूर्ण मतदाता र शुभेच्छुकहरुलाई धन्यवाद दिए ।

अछाम स्थायी घर भएका ठकुल्ला क्यालिफोर्नियाको लस एन्जलसमा बसोबास गर्दै आएका छन् । उनी सुदूरपश्चिम नेपाली समाज क्यालिफोर्नियामा लामो समयदेखि आबद्ध रही सामाजिक सेवामा सक्रिय छन् ।

नेपाली र नेपालको साझा हित र विकासका लागि ईमान्दारीपूर्वक भूमिका निर्वाह गर्ने प्रतिबद्धता गरेका ठकुल्लाले गैरआवासीय नेपाली संघलाई सबैको अपनत्व हुने साझा संस्था बनाउने बताए । ठकुल्लाले सन् २०२१–२०२३ कार्यकालमा क्यालिफोर्निया च्याप्टरमा उत्कृष्ट योगदान पु¥याएका   थिए ।

क्यालिफोर्नियाको पशुपती नाथ बुद्ध मन्दिरको ट्रष्टी रहेका ठकुल्ला मन्दिर व्यवस्थापन समितिको सदस्य समेत रहिसकेका छन् ।