टप एण्ड टी-२० सिरिज : एनटी स्ट्राइकविरुद्ध टस जितेर फिल्डिङ गर्दै नेपाल

काठ्माण्डौँ । अस्ट्रेलियामा जारी टप एण्ड टी–२० सिरिजमा नेपालले आफ्नो पहिलो खेलमा नर्दन टेरिटोरी (एनटी) स्ट्राइकविरुद्ध टस जितेर फिल्डिङ गर्ने निर्णय गरेको छ । खेल डार्विनको मरारा क्रिकेट ग्राउण्ड–२ मा भइरहेको छ ।

एनटी स्ट्राइकले सन् २०२३ मा सिरिजको पहिलो संस्करणको उपाधि जितेको थियो भने गत वर्ष सेमिफाइनलमा पुगेको थियो । टोलीमा बिग ब्यासमा अनुभव हासिल गरेका खेलाडीहरू रहेका छन्, जसले नेपालका लागि चुनौती थपेका छन् ।

डार्सी शर्ट मुख्य आकर्षण मानिएका छन् । उनी पावरप्लेमा खेल पल्टाउन सक्ने क्षमता राख्छन् र अस्ट्रेलियाको सिनियर टोलीबाट पनि टी–२०आई अनुभव भइसकेको छ ।

नेपाल भने पहिलोपटक यो प्रतियोगिता खेलिरहेको हो ।