फ्रान्सेली पोलिनेसियाको मार्क्वेसास टापुमा १३ फिट अग्लो सुनामीको चेतावनी

काठमाडौँ । फ्रान्सेली पोलिनेसियाको मार्क्वेसास टापुहरूमा सुनामीको चेतावनी जारी गरिएको छ । स्थानीय अधिकारीहरूले आगामी केही घण्टामा चार मिटरसम्म अर्थात् लगभग १३ फिट अग्ला छालहरू आउने अनुमान गरिएको बताएका छन् ।

पहिले यो चेतावनी १.१ देखि २.२ मिटरको बीचमा थियो । अधिकारीहरूले यी छालहरू उआ हुका, नुकु हिवा र हिवा ओओ टापुहरूमा ठोक्किने अपेक्षा गरिएको बताएका छन् । यस्तो अवस्थामा, यस क्षेत्रमा बस्ने मानिसहरूलाई उच्च स्थानहरूमा सर्न सल्लाह दिइएको छ ।

नुकु हिवा प्रशान्त महासागरमा अवस्थित मार्क्वेसास टापुहरूको सबैभन्दा ठूलो टापु हो । फ्रान्सेली पोलिनेसियाका बाँकी भागहरू खाली गर्न आवश्यक छैन, तर मानिसहरूलाई समुद्र तट, किनार र नदीको मुखबाट टाढा रहन सल्लाह दिएको छ ।