ओली-भण्डारीबीच च्यासलमा डेढ घण्टा छलफल, के-के भयो कुराकानी ?

काठमाडौं ।  पूर्वराष्ट्रपति विद्या भण्डारीले प्रधानमन्त्री एवं एमाले अध्यक्ष केपी शर्मा ओलीसँग समसामयिक राजनीतिबारे छलफल भएको बताएकी छिन् । एमाले अध्यक्ष ओलीसँग डेढ घण्टा छलफल गरेपछि भण्डारीले राष्ट्रिय राजनीतिबारे कुराकानी भएको बताएकी हुन् ।

ललितपुरको च्यासलस्थित पार्टीको केन्द्रीय कार्यालयमा आइतबार अपरान्ह डेढ घण्टा छलफलपछि सञ्चारकर्मीहरूसँग उनले राष्ट्रिय राजनीतिबारे कुरा भएको बताएकी हुन् ।सञ्चारकर्मीसँग भण्डारीले सदस्यताको विषय पुरानो भइसकेको बताइन् । ‘पार्टी सदस्यताको विषय पुरानो हो,’ भण्डारीले भनिन्, ‘नवीकरण पनि भइसक्यो । तर आज यसबारेमा कुराकानी भएन ।’