क्रिकेटर सुशीललाई सुदूरपश्चिम रोयल्सको एक लाख सहयोग

द एभरेष्ट पोष्ट
२७ असार २०८२ १६:५४
क्रिकेटर सुशीललाई सुदूरपश्चिम रोयल्सको एक लाख सहयोग

काठमाडौं– सुदूरपश्चिम रोयल्सले क्रिकेटर सुशील रावललाई एक लाख रुपैयाँ आर्थिक सहयोग गरेको छ । रोयल्सका प्रमुख कार्यकारी अधिकृत प्रकाश खड्काले शुक्रबार क्रिकेटर रावललाई एक लाख रुपैयाँ हस्तान्तरण गरेका हुन् ।

मलेसियामा सम्पन्न एसीसी यु–१६ इस्ट जोन कप क्रिकेट प्रतियोगितामा नेपाललाई उपाधि दिलाउन अहम् भूमिका खेलेका रावलले शुक्रबार बिहान आफ्नो आर्थिक अभावबारे सामाजिक सञ्जालमा लेखेका थिए ।

उनले केही महिनामै हुन लागेको यु–१९ राष्ट्रिय टोलीको छनोटका लागि तयारी गर्न भारत जानुपर्ने र त्यसका लागि करिब १ लाख रुपैयाँ खर्च लाग्ने बताएका थिए ।

‘आर्थिक अवस्था कमजोर छ भन्दा मलाई लाज छैन,’ क्रिकेटर रावलले फेसबुकमा लेखेका थिए, ‘तर अब सहयोगबिना यो यात्रा सम्भव छैन। त्यसैले मलाई खादा र माला होइन, आर्थिक सहयोग दिनुहोला ।’

Leave a Reply

Your email address will not be published. Required fields are marked *

सम्बन्धित

खोज्नुहोस