एसिसी यु–१६ : फाइनलमा नेपालको प्रतिद्वन्द्वी मलेसिया

काठमाडौँ। एसिसी मेन्स यु–१६ इस्ट जोन कपमा साविक विजेता नेपालले सेमिफाइनलमा आयोजक मलेसियाको सामना गर्ने छ ।
नेपालले समूह ‘ए’ को विजेता र मलेसियाले समूह ‘बी’ को उपविजेताको रूपमा अन्तिम चारको भेट पक्का गरेका हुन् । नेपाल र मलेसियाबिचको खेल सिलेगंर ट्रफ क्लबको मैदानमा बिहान पौने आठ बजे सुरु हुने छ ।

नेपालले समूहको चारवटै खेल जितेको थियो । मलेसियाले भने तीन जित र एक हारको नतिजा निकालेको थियो । यस्तै दोस्रो सेमिफाइनल हङकङ र सिङ्गापुरबिच प्रतिस्पर्धा हुने छ ।

एसिएन क्रिकेट काउन्सिलको आयोजनामा सञ्चालित प्रतियोगितामा १० देशले भाग लिएका थिए । सहभागी देशलाई दुई समूहमा विभाजन गरिएको थियो । फाइनल खेल असार २१ गते हुने छ ।