धनगढीमा मोटरसाईकल दुर्घटनामा नेपाली काँग्रेसका युवा नेताको मृत्यु
धनगढी,१४ असार ।
धनगढीमा मोटरसाईकल दुर्घटनामा परी नेपाली काँग्रेसका युवा नेताको मृत्यु भएको छ ।
जिल्ला प्रहरी कार्यालय कैलालीका प्रवक्ता प्रहरी नायब उपरीक्षक(डीएसपी) राजकुमार सिंहका अनुसार मृत्यु हुनेमा धनगढी उपमहानगरपालिका १२ जुगेडाका रवीन्द्र सिंह रहेका छन् । ।
मोटरसाईकल दुर्घटनामा परी गम्भीर घाईते भएका सिंहको उपचारका क्रममा सेती प्रादेशिक अस्पतालमा मृत्यु भएको प्रहरीले जनाएको छ ।
धनगढी उपमहानगरपालिका-१२ जुगेडा कम्पनी टोलमा शुक्रवार राति करीव १ बजे सिंहले चलाएको सुपप्र ०१००९ प ७७८४ नम्बरको मोटरसाईकल अनियन्त्रित भएर नालामा खसेको थियो ।
नालामा मोटरसाईकल सहित खसेर घाईते भएका सिंहलाई तत्काल उपचारका लागि अस्पताल लगिएको थियो । उपचारका क्रममा सिंहको निधन भएको हो ।
धनगढी-१२ स्थित सिद्धनाथ सामुदायिक वन उपभोक्ता समितिका अध्यक्ष सिंह ट्रेड युनियन काँग्रेस धनगढी प्रदेश (क) का पूर्व अध्यक्ष हुन् ।
पोष्टमार्टमपछि शनिवार सिंहको अन्त्येष्टि गरिएको छ । मृतक सिंहको अत्येष्टि अघि पार्थिव शरीरमा नेपाली काँग्रेसको झण्डा ओढाईएको थियो ।
ट्रेन्डिङ
ताजा समाचार
सम्बन्धित
