आङ छिरिङ शेर्पालाई मदन भण्डारी राष्ट्रिय पुरस्कार

काठमाडौं, १२ असार। मदन भण्डारी राष्ट्रिय पुरस्कार पर्यटन व्यवसायी आङ छिरिङ शेर्पालाई प्रदान गरिने भएको छ ।

मदन भण्डारी फाउण्डेशनद्धारा बिहीबार काठमाडौंमा आयोजित पत्रकार सम्मेलनमा यस वर्षको मदन भण्डारी राष्ट्रिय पुरस्कार पर्यटन व्यवसायी शेर्पालाई प्रदान गर्ने जानकारी दिईएको हो ।

फाउण्डेशनका सचिवालय सदस्य रामशरण प्याकुरेलले लामो समयदेखि वातावरण र जलवायु परिवर्तनको मुद्दामा सक्रिय ७२ वर्षीय शेर्पालाई मदन भण्डारी राष्ट्रिय पुरस्कार प्रदान गर्न लागिएको जानकारी दिए ।

प्याकुरेलले शेर्पालाई असार १४ गते मदन भण्डारीको ७४ औं जन्मजयन्तीको अवसरमा १ लाख रुपैयाँ नगदसहित सम्मान गरिने बताए ।

पर्यटन व्यवसायी समेत रहेका शेर्पा सोलुखुम्बुको पासाङ ल्हामु गाउँपालिका वडा नम्बर ४ खुम्जुङ्ग गाउँका बासिन्दा हुन् ।