गायक प्रविण भट्टराईको दोस्रो गीत ‘तिमी र म’ बजारमा
कोलोराडो, १९ जुन ।
गायक प्रविण भट्टराईको ‘तिमी र म ’ बोलको गीतको म्युजिक भिडिओ बजारमा आएको छ । भट्टराईको यो दोस्रो म्युजिक भिडिओ हो । यसअघि २०२३ को नोभेम्बरमा उनले पहिलो गीत आमालाई नभन्नु है को म्युजिक भिडिओ बजारमा ल्याएका थिए ।
झण्डै चार वर्षपछि २०२५ मेमा सार्वजनिक भएको भट्टराईको दोस्रो गीत ‘तिमी र म’ को रचनाकार अनिल शर्मा हुन् । गीतमा कल्याण सिंहले संगीत भरेका छन् ।
डुक्मणी थपलियाले निर्माण गरेको गीतको छायांकन, सम्पादन र निर्देशन सागर खरेलले गरेका हुन् । म्युजिक भिडिओका दृष्यहरु कोलोराडाको विभिन्न स्थानमा छायांकन गरिएका हुन् ।
गीतको म्युजिक भिडिओमा मोडल आयुश श्रेष्ठ र ईकृष्या थपलियाको अभिनय रहेको छ । म्युजिक भिडिओमा सरु बारोकोटीले डे«स डिजाईन र मेकअपमा साथ दिएकी छन् । गायक भट्टराईले गीत बजारमा ल्याउन सहयोग गर्ने निर्माता थपलिया, चिरीज मःम सहित सबैलाई धन्यवाद दिए ।
गायक भट्टराईले किशोरावस्थाका स्रोताहरुलाई लक्षित गरी गीत बजारमा ल्याएको बताए ।
किशोरावस्थाको फिलिङ र माया गर्ने मान्छेको साथले जीवनमा मिल्ने मिठो अनुभूतिलाई गीतका माध्यमबाट व्यक्त गरिएको गायक भट्टराईले बताए ।
उनले गीतको म्युजिक भिडिओ हेरेर सुझाव, सल्लाह र प्रतिक्रिया दिन दर्शक तथा स्रोताहरुलाई आग्रह गरे ।
ट्रेन्डिङ
ताजा समाचार
सम्बन्धित
