प्रतिनिधिसभा बैठकमा रास्वपा र राप्रपाको विरोध कायमै

काठमाडौं : प्रतिनिधिसभा बैठकमा विपक्षी दलहरूले अवरोध जनाएका छन्। बैठकको कारवाही अघि बढ्ने वित्तिकै विपक्षी दल राष्ट्रिय प्रजातन्त्र पार्टी (राप्रपा), राष्ट्रिय स्वतन्त्र पार्टी (रास्वपा) लगायत दलहरूका सांसद सिटबाट उठेर विरोध जनाएका छन्।
त्यसपछि सभामुख देवराज घिमिरेले बोल्नका लागि रास्वपा सांसद हरि ढकाललाई समय दिएका छन्। उनले बोल्ने क्रममा भिजिट भिसाको नाममा लाखौं लाखौं युवा ठगिएको विषयमा आन्दोलित हुँदैगर्दा सरकारले आफ्नो आन्दोलनलाई वेवास्ता गरेको आरोप लगाए।

उनले भिजिट भिसा प्रकरणमा विपक्षी दलहरूले उठाएका विषयमा गृहमन्त्री रमेश लेखकले जवाफ दिनुपर्नेमा उल्टै कटाक्ष गरेको टिप्पणी गरे। उनले आफ्ना माग पूरा नभएसम्म आन्दोलन जारी रहने बताए।

विपक्षी दलहरूको अवरोधकै बिच सभामुखले सदन अगाडि बढाएका छन्।