बेलायतमा सम्पन्न चार दिने ओशो ध्यान शिविरमा १० जनाले लिए सन्यास
लन्डन । ओशो आनन्दबोधी ध्यान केन्द्र बेलायतको आयोजनामा चारदिने आवासीय ओशो ध्यान शिविर हालै लण्डनमा सम्पन्न भएको छ ।
बेलायतको मेडनहेडस्थित सीममोर हलमा मे को अन्तिम साता सञ्चालित ध्यान शिविरमा १० जनाले ओशो तपोवन काठमाण्डौंका वरिष्ठ ध्यान प्रशिक्षक स्वामी आनन्द अर्हतबाट सन्यास ग्रहण गरेका थिए ।
ओशो आनन्दबोधी ध्यान केन्द्र बेलायतका सञ्चालक शंकर ढकालले मे २४ देखि २६ सम्म सञ्चालन भएको शिविरमा ८ देखि ७० वर्ष उमेरसमूहका ५० जना सहभागी रहेकोमा १० जनाले सन्यास ग्रहण गरेको जानकारी दिए ।
हरेक दिन बिहान ६ः ३० बजे देखि राति १०ः०० बजेसम्म सञ्चालन भएको शिविरमा सहभागीहरु वरिष्ठ ध्यान प्रशिक्षक स्वामी आनन्द अर्हतको प्रवचन, ध्यान र योगबाट मन्त्रमुग्ध भएका थिए ।
स्वामी आनन्द अर्हतले शिविरमा ओशो डाइनेमिक ध्यान, कुण्डलिनी ध्यान, चक्र ब्रीदिङ ध्यान, चक्र साउन्ड ध्यान, योग अभ्यास गराउनुका साथै ओशोका बारेमा प्रवचन दिएका थिए ।
उनले धनसम्पत्ती र बैभवबाट सुख सुबिधा प्राप्त हुने भएपनि शान्ति र चयन भने ध्यान र योगबाट प्राप्त हुने बताए ।
ट्रेन्डिङ
सम्बन्धित
