अंकुर नेपालको सुदुर प्रदेश अध्यक्षमा धर्मराज जोशी चयन

धनगढी, १८ जेठ ।
कोरियाबाट फर्केकाहरुको साझा संस्था अंकुर नेपालको सुदुर प्रदेशको प्रथम अधिवेशनबाट धर्मराज जोशी अध्यक्षममा सर्वसम्मत रुपमा चयन भएका छन् ।

मञ्चको उपाध्यक्षमा हेमन्त जोशी, सचिवमा सुरेन्द्र भण्डारी, कोषाध्यक्षमा दौलत बोहरा, सहसचिवमा लोकेन्द्र बोहरा चयन भएका छन् । त्यस्तै सदस्यमा मन मल्ल चयन भएका छन् । सदस्य पदमा थप तीन जना मनोनीत गरिने छ ।

कोईका अन्तर्गत के- हामी परियोजनाका म्यानजेर सङ यल सको प्रमुख आतिथ्यतामा सम्पन्न प्रथम अधिबेशनमा अंकुर नेपालका केन्द्रीय अध्यक्ष लाल प्रसाद भट्टराई र मुख्यमन्त्रीका राजनीतिक सल्लाहकार डा. जितु उपाध्याय बिशिष्ट अतिथि रहेका थिए ।

नवनिर्वाचित अध्यक्ष जोशीले कोईका अन्तर्गतको के -हामी प्रोजेक्टका म्यानेजर, अंकुर नेपालका केन्द्रीय अध्यक्ष भट्टराईलाई धन्यवाद ज्ञापन गर्दै आफूले ईमान्दारीपूर्वक जिम्मेवारी पुरा गर्ने बताए ।