नेपाली युवा उद्यमी मञ्चको अध्यक्षमा अच्युत दाहाल

धनगढी, १८ जेठ ।
नेपाली युवा उद्यमी मञ्च (एनवाईईएफ) कैलाली शाखाको अध्यक्षमा अच्युत दाहाल निर्विरोध निर्वाचित भएका छन् ।
शनिवार सम्पन्न मञ्चको अधिवेशनले दाहालको नेतृत्वमा निर्विरोध नयाँ कार्य समिति चयन भएको हो ।

मञ्चको प्रथम उपाध्यक्षमा आयुष हमाल र द्धितीय उपाध्यक्षमा आशिष शाह चयन भएका छन् ।

त्यस्तै सदस्यमा आदित्य हमाल,आयुष मोहपाल,वीरेन्द्र भट्ट,श्रवण शाह,भरत श्रेष्ठ,गोविन्द बोहरा र प्रितम करिया निर्विरोध चयन भए । नव निर्वाचित कार्यसमितिलाई पूर्व अध्यक्ष रोशन भट्टले शपथ ग्रहण गराएका थिए ।

सुदूर पश्चिम प्रदेश सरकारका अर्थ राज्य मन्त्री प्रकाश बमको प्रमुख आतिथ्यतामा सम्पन्न अधिवेशनमा सम्पन्न नेपाली युवा उद्यमी मञ्चका केन्द्रीय अध्यक्ष कुशल श्रेष्ठ र कैलालीका संस्थापक अध्यक्ष पुष्कर ओझा बिशिष्ट अतिथि रहेका थिए ।