पुटिनले आगोसँग खेलिरहेको ट्रम्पको चेतावनी

अमेरिका, २७ मे ।
पछिल्लो समय रुसी राष्ट्रपति भ्लादिमिर पुटिनसँग असन्तुष्ट अमेरिकी राष्ट्रपति डोनाल्ड ट्रम्पले पुटिनले आगोसँग खेलिरहेको बताएका छन् ।

अमेरिकी राष्ट्रपति ट्रम्पले सामाजिक सञ्जाल ट्रुथमा लेख्दै ट्रम्पले पुटिनले आगोसँग खेलिरहेको बताएका हुन् ।

‘यदि म हुन्थेन भने रुसविरुद्ध कति धेरै गलतभन्दा गलत कुराहरु हुनसक्थे । तर यो कुरा पुटिनलाई महशुस छैन,उनले भनेका छन्, उनी आगोसँग खेलिरहेका छन् ।’

त्यसअघि ट्रम्पले युक्रेनमा रुसको लगातार बमबारीका कारण पुटिनको आलोचना गरेका थिए र सन्कीको संज्ञा दिएका थिए ।

उनले पुटिनलाई सन्की बताउँदै लेखका थिए, ‘उनी बिनाकारण मानिसहरुलाई मारिरहेका छन् । म केवल सैनिकको मात्र कुरा गरिरहेको छैन । बिना कुनै कारण युक्रेनका सहरमा मिसाइल र ड्रोन प्रहार भइरहेको छ ।’