रास्वपालाई राजावादीको प्रस्ताव- सहकार्य गरेर अघि बढौँ
काठमाडौं । संवैधानिक राजसंस्था र सनातन हिन्दु अधिराज्यसहित बहुदलीय प्रजातन्त्र पुनर्स्थापनाका लागि गठन गरिएको संयुक्त जनआन्दोलन समितिले राष्ट्रिय स्वतन्त्र पार्टी ९रास्वपा० लाई आन्दोलनमा सहकार्यको प्रस्ताव गरेको छ ।
समितिका संयोजक नवराज सुवेदीले रास्वपाका कार्यवाहक सभापति डिपी अर्याललाई पठाएको पत्रमा रास्वपाको सैद्धान्तिक दृष्टिकोण र वर्तमान व्यवस्था प्रतिको असन्तुष्टिलाई स्मरण गर्दै सहकार्यको आह्वान गरिएको छ ।
पत्रमा रास्वपा सभापति रवि लामिछाने निष्पक्ष न्यायबाट वञ्चित भएको भन्दै दलीय हस्तक्षेपका कारण संवैधानिक तथा न्यायिक निकायहरू गम्भीर संकटमा परेको उल्लेख गरिएको छ ।
‘चरम दलीयकरण र संस्थागत विघटनको अन्त्यका लागि राजसंस्थाको पक्षमा हुने आन्दोलनमा साथ दिनुहोस्,’ पत्रमा भनिएको छ ।
सुवेदी नेतृत्वको समितिले १५ जेठदेखि देशव्यापी आन्दोलन गर्ने तयारी गरिरहेको छ ।
ट्रेन्डिङ
सम्बन्धित
