सडकमै सुत्केरी गराएकी महिला प्रहरी जवानलाई सम्मान

कैलाली। कैलालीमा गर्ववती महिलालाई सडकमै सुत्केरी गराएकी महिला प्रहरी जवान चन्द्रीका देउवा सम्मानित भएकी छन् । जिल्लाको गोदावरी नगरपालिका-१, बसन्तपुरमा मंगलबार सुत्केरी व्यथा लागेर सडकमा छटपटाइरहेकी चन्द्रा आचार्यलाई उनले प्रसुती गराएकी थिइन।

एक्कासी व्यथा लागेर लडेको अवस्था भेटिएपछि प्रहरी जवान चन्द्रिका देउवा प्रहरी चौकी खैरानाबाट घटनास्थलमा पुगेर आचार्यलाई सुरक्षित प्रसुति गराएर पद्मा अस्पतालसम्म पुर्याएकी थिइन।  अहिले महिला र शिशुको अवस्था सामान्य छ।  प्रहरी जवान देउवाको उक्त कामको मूल्याङ्कन गर्दै  कैलाली जिल्ला प्रहरी कार्यालयले बुधबार प्रशंसा पत्र र रेकर्डमा जनिने गरी उनलाई पुरस्कृत गरेको छ।
कैलालीका प्रमुख प्रहरी उपरीक्षक(एसपी) बाल नरसिंह राणाले देउवालाई प्रशंसा पत्रसहित पुरस्कृत गरेमा हुन् ।

राणाले प्रहरी चौकी खैरानामा कार्यरत  देउवाले सडकमा छट्पटिरहेको अवस्थामा गर्भवती महिलालाई सुरक्षित प्रसुती गराउन सघाएर सुरक्षित रूपमा अस्पतालसम्म पुगाएर उत्कृष्ट कार्य गरेकाले पुरस्कृत गरिएको बताए । देउवालाई सम्मान गर्दै एसपी राणाले संगठनमा उत्कृष्ट काम गर्ने प्रहरी कर्मचारीलाई पुरस्कृत र गलत गर्नेलाई कारवाहीको दायरामा ल्याइने बताए ।