अमेरिका र यूएईबिच दुई सय अर्ब डलरको सम्झौता
संयुक्त राज्य अमेरिकाले बिहीबार संयुक्त अरब इमिरेट्स (यूएई) सँग दुई सय अर्ब डलरभन्दा बढीको सम्झौता गरेको छ। यो सम्झौतामा अत्याधुनिक अन्तरिक्ष यान, ऊर्जा र महत्वपूर्ण खनिजहरू समावेश छन्।
ह्वाइट हाउसले प्रेस विज्ञप्तिमार्फत जीई एरोस्पेसले इतिहाद एयरवेजसँग जिइ इन्जिनद्वारा सञ्चालित बोइङ र अन्य विमान खरिद गर्न १४.५ अर्ब डलरको सम्झौता गरेको जनाएको छ।
‘इमिरेट्स ग्लोबल एल्युमिनियम’ ले ओक्लाहोमा राज्यमा चार अर्ब डलरको प्राथमिक एल्युमिनियम गाल्ने परियोजनामा लगानी गर्ने विज्ञप्तिमा उल्लेख छ।
एक्सोनमोबिल, अक्सिडेन्टल पेट्रोलियम र इओजी रिसोर्सेजले अबु धाबीको नेसनल आयल कम्पनीसँग ६० अर्ब डलरको तेल र प्राकृतिक ग्यास उत्पादनका लागि सहकार्य गरिरहेका छन्। त्यस्तै, आरटीएक्सले इमिरेट्स ग्लोबल एल्युमिनियम र यूएईको काउन्सिल तवाजुनसँग ‘ग्यालियम प्रोजेक्ट’ मा साझेदारी गरिरहेको छ।
अमेरिकी राष्ट्रपति डोनाल्ड ट्रम्पले बिहीबार साउदी अरब र कतारको भ्रमणपछि यूएईको भ्रमण गरेका हुन्। सिन्ह्वा
ट्रेन्डिङ
सम्बन्धित
