विश्व टेस्ट च्याम्पियनशिपको विजेताले ४९ करोड रुपैयाँभन्दा धेरै पुरस्कार पाउने

काठमाण्डाै : अन्तर्राष्ट्रिय क्रिकेट काउन्सिल (आईसीसी) ले विश्व टेस्ट च्याम्पियनशिपको पुरस्कार राशि सार्वजनिक गरेको छ ।

आईसीसीका अनुसार विश्व टेस्ट च्याम्पियनशिपको विजेताले ३६ लाख मिलियन अमेरिकी डलर अर्थात् ४९ करोड १५ लाख रुपैयाँभन्दा धेरै पुरस्कार रकम पाउने भएका छन् । यो पुरस्कार रकम यसअघिको संस्करणभन्दा दोब्बरभन्दा बढी हो । सन् २०२१ र २०२३ मा विजेताले १६ लाख मिलियन डलर पुरस्कार पाएका थिए ।

यस्तै यस संस्करणको उपविजेताले २१ लाख ६० हजार डलर पुरस्कार पाउने भएका छन् । यसअघिका संस्करणमा उपविजेताले ८ लाख डलर पुरस्कार पाएका थिए ।

पूर्वविजेता अस्ट्रेलिया र दक्षिण अफ्रिकाबीचको विश्व टेस्ट च्याम्पियनपिशको फाइनल आउँदो जुन ११ देखि बेलायतको लर्ड्स क्रिकेट मैदानमा शुरू हुनेछ । उपाधि प्रतिस्पर्धाका लागि दुवै देशले टोली घोषणा गरिसकेका छन् ।