पाकिस्तानले २० दिनसम्म बन्धक बनाएको बीएसएफ जवानलाई भारतलाई सुम्पियो
१ जेठ २०८२ १३:४७
काठमाडौ । पाकिस्तानी रेन्जर्सले पक्राउ परेका बीएसएफ जवान पूर्णम कुमार सावलाई भारतलाई सुम्पिएको छ।
पूर्णम कुमारलाई अप्रिल २३ मा पञ्जाबको अटारी सीमाबाट पाकिस्तानी रेन्जर्सले पक्राउ गरेको थियो।
बीएसएफले जारी गरेको विज्ञप्तिमा भनिएको छ, ‘आज २३ अप्रिल २०२५ देखि पाकिस्तान रेन्जर्सको हिरासतमा रहेका बीएसएफ जवान पूर्णम कुमारलाई बिहान १०:३० बजे संयुक्त चेक पोस्ट अटारी, अमृतसरमा भारतलाई हस्तान्तरण गरिएको छ।’
स्थानान्तरण शान्तिपूर्ण र स्थापित प्रोटोकल अनुसार गरिएको विज्ञप्तिमा भनिएको छ।
अप्रिल २२ मा जम्मू कश्मीरको पहलगाममा भएको आतंकवादी हमलापछि भारत र पाकिस्तानबीच तनाव बढेको थियो। मे ७ मा पाकिस्तानमा भारतको हवाई आक्रमणपछि स्थिति द्वन्द्वग्रस्त बनेको थियो।
मे १० मा दुई देशबीच युद्धविराम भएको थियो। त्यसपछि दुवै देश तनाव कम गर्ने प्रयासमा छन्। बीबीसी
ट्रेन्डिङ
सम्बन्धित
