नेजाको अध्यक्षमा सुरज भण्डारी पुनः निर्वाचित

लसभेगास,२९ बैशाख ।
नेपाली अमेरिका पत्रकार संघ (नेजा)को नवौँ महाधिवेशनबाट सुरज भण्डारी पुनः अध्यक्ष पदमा निर्विरोध निर्वाचित भएका छन् ।
दुई वर्षको कार्यकालका लागि पुनः अध्यक्ष पदमा निर्वाचित

आईतवार अमेरिकाको लसभेगासमा सम्पन्न अधिवेशनले भण्डारीको अध्यक्षतामा दुई वर्षका लागि १७ सदस्यीय कार्यसमिति सर्वसम्मत रुपमा चयन गरेको हो ।

नेजाको उपाध्यक्षको जिम्मेवारी कल्पना घिमिरे, महासचिवमा इश्वरी न्यौपाने, सचिवमा शंकरबहादुर थापा र कोषाध्यक्षमा झरना अधिकारी चयन भएका छन्।

त्यस्तै सदस्यमा राजकुमार तामाङ (गोले), डा. डोल्मा लामा, यसोदा तिमल्सिना, जानु पंगेनी, दिपेन्द्र खड्का, र डिल्लीबहादुर राउत चयन भएका छन्।

क्षेत्रीय संयोजकको रूपमा सृजना काफ्ले (डिसी मेट्रो), शान्तिराज राई (उत्तरपूर्व), दिपक दाहाल (पश्चिम), र ओम आचार्य (मध्य) चयन भएका छन्।

निर्वाचनका लागि नेजाका संस्थापक गिरिश पोख्रेलको संयोजकत्वमा रहेको चार सदस्यीय निर्वाचन समिति चयन गरिएको थियो । जसमा मोहनसिं लामा, गोपाल गडर्तौला, र तारा रावल रहेका थिए।