मंगलबार पृथ्वीमा फर्कँदै सुनिता र बुच

एजेन्सी । अन्तर्राष्ट्रिय अन्तरिक्ष केन्द्र (आईएसएस) मा नौ महिनादेखि रहेका अन्तरिक्षयात्री सुनिता विलियम्स र ब्यारी विलमोर बुच मंगलबार पृथ्वीमा फर्किंदै छन्। अमेरिकी अन्तरिक्ष एजेन्सी नासाका अनुसार उनीहरू स्पेसएक्स यानमार्फत अमेरिकी समयअनुसार साँझ ५:५७ बजे फ्लोरिडा तटमा अवतरण गर्नेछन्।

शुरुआतमा आठ दिनका लागि मात्र अन्तरिक्ष मिसनमा गएका उनीहरू प्राविधिक समस्याका कारण झन्डै एक वर्ष आईएसएसमै बस्न बाध्य भएका थिए। उनीहरूले त्यहाँ रहँदा विभिन्न वैज्ञानिक अनुसन्धान तथा ‘स्पेस वाक’(अन्तरिक्षमा बाहिर निस्केर गरिने काम) समेत गरेका छन्।