इजरायल र हिजबुल्लाहबीच युद्धविराम

काठमाडौँ,१२ मंसिर ।
अमेरिका र फ्रान्सको मध्यस्थतामा इजरायल र इरान(समर्थित समूह हिजबुल्लाहबीच युद्धविराम सम्झौता भएको छ ।

इजरायल र इरान समर्थित समूह हिजबुल्लाहबीचको युद्धविराम बुधबारदेखि लागू भएको छ । अमेरिका र फ्रान्सको मध्यस्थतामा इजरायल र इरान समर्थित समूह हिजबुल्लाहबीच युद्धविराम सम्झौतामा दुवै पक्ष सहमत भएको भन्दै अमेरिकी राष्ट्रपति जो बाइडेनले बताएपछि यो सम्झौता बुधवारदेखि लागू भएको हो ।

यस सम्झौताले इजरायल-लेबनानी सीमामा भएको द्वन्द्वको अन्त्यको मार्ग खोल्छ, जसले गएको वर्ष गाजाका कारण सुरु भएको युद्धबाट हजारौं मानिसहरूको ज्यान लिएको थियो।

यस सम्झौताले इजरायल-लेबनानी सीमामा भएको द्वन्द्वको अन्त्यको मार्ग खोल्छ, जसले गएको वर्ष गाजाका कारण सुरु भएको युद्धबाट हजारौं मानिसहरूको ज्यान लिएको थियो।

बाइडेनले मंगलबार ह्वाइटहाउसबाट सम्बोधन गर्दै इजरायली सुरक्षा मन्त्रिपरिषद्ले १०-१ को मतले सम्झौता स्वीकृत गरेको बताए । उनले इजरायली प्रधानमन्त्री बेन्जामिन नेतान्याहु र लेबनानका कार्यवाहक प्रधानमन्त्री नजिब मिकातीसँग कुरा गरेको र स्थानीय समयअनुसार बिहान ४ बजे युद्ध समाप्त हुने बताए ।

‘यो स्थायी रूपमा शत्रुता अन्त्य गर्नका लागि गरिएको हो’ बाइडेनले भने,’हिजबुल्लाह र अन्य आतंकवादी संगठनहरूको बाँकी हिस्सा इजरायलको सुरक्षालाई फेरि धम्की दिन दिइने छैन।’

बाइडेनका अनुसार, इजरायलले ६० दिनको अवधिमा आफ्नो सेनाहरू क्रमशः फिर्ता लैजानेछ । हिजबुल्लाहले त्यहाँ आफ्नो संरचना फेरि निर्माण गर्न नसकोस् भनेर लेबनानको सेनाले आफ्नो सीमामा रहेको क्षेत्रको नियन्त्रण लिनेछ ।